鍾舒漫獨守空房 心急嫁人
鍾舒漫（Sherman）昨日到傢私店擔任活動大使，身為教徒兼獨居的她坦言就算寂寞亦不會同居，但近期太多朋友結婚，亦勾起自己恨嫁的心，希望30歲前可順利嫁人。
Sherman昨日出席「英皇．歐化雙重周年慶典大抽獎頒獎禮」，身穿碎花恤衫兼四吋高橙色高踭鞋出現的她非常搶鏡。Sherman擔任頒獎大使，即場向幸運兒送出多份名貴家具。她亦向大家展示多款現代化傢私，當中最鍾愛內置揚聲器的真皮梳化，Sherman笑言喜歡攤在梳化上閉目聽歌，認真識歎。
愛粉飾家居
獨居的Sherman自爆經常粉飾家居：「其實自己好鍾意幫屋企改頭換面，除舊迎新吖嘛。」獨守空房的Sherman被問可會感到寂寞而跟男友同居？她笑謂：「我覺得同居係結婚嘅一種驚喜，加上自己係教徒，拍拖一定唔會同居o架！」雖然如此，Sherman坦言心急結緍：「最近好多人都結婚呀！其實我都心急，媽咪都替我心急，希望30歲前可以結啦！」
紋身遮瘀痕
Sherman透露近期經常與糖妹一齊跑步，對於糖妹被網民笑肥，Sherman即說：「唔係吖！佢好可愛。」另外，見Sherman左手手臂上有紋身，問到圖案有何意思？她笑言：「最近去咗拔罐，所以手臂瘀咗囉，又唔想人見到個印，咁自己咪畫啲圖案上去遮住囉！」說罷她即展示手臂紋身大方任影，不過可能上衣太寬鬆的關係，不慎露出黑色Bra邊，認真失策！
文、攝：音樂組