周家蔚爆盈盈鍾意錫
洪天明及太太周家蔚昨日見證盈樂成婚，天明全程貼身護大肚家蔚，又大爆一對新人非常緊張：「嘉樂不停講嘢掩飾，但表情僵硬，盈盈講誓詞甩cut，仲話想再嚟多次！我最擔心係接新娘被玩，聽講佢哋會收買兄弟添！」他笑言好友陸續結婚感覺得意，將來一眾小朋友可以一起玩。問到會否與「盈樂B」對親家？他說：「年紀太近喎！（估嘉樂生仔定女？）未知，可能係孖女，報應呀！」家蔚則大爆盈樂不停錫錫令人眼冤：「盈盈好鍾意錫！」
至於「兄弟」王祖藍被指買樓娶女友李亞男，他作出否認：「可能60幾歲先成親！我係想置業，但樓都未睇，係都買畀屋企人。（李亞男？）佢未係。」但他笑言亞男「飛唔出手指罅」，家人亦未有催婚。此外，監製錢國偉在微博上「直擊」婚禮，不停上載盈樂的Sweet相。