劉松仁最近被指在《名媛望族》中自編情慾戲，昨日松哥否認此事：「鍾意點寫咪點寫，佢哋一廂情願！」通訊局過去一周共收《名》劇32宗投訴，被指太多情慾同吸煙場面、英語對白發音不準和用皮草作劇中服飾，監製莊偉健稱不擔心劇集被批為色情劇：「嗰幾場情慾戲係想表達男人在當年嘅霸權。」至於松哥和楊怡於《名》劇的「肉搏」戲繼續大膽，楊怡咬唇激吻松哥再引誘他上床，二人演起來並無代溝，松哥說：「其實呢啲戲我以前都有演，唔會當係一回事，我哋拍前都會溝通，（尷尬？）演戲係藝術創作，唔好當情慾片咁睇，咁問我等如問一個畫家畫裸女有咩反應。」