關心妍造人不成 中頭獎
關心妍（Jade）早前和老公楊長智到英國旅遊，雖沒有成功造人，但卻在當地中了「頭獎」，令她當場痛哭；她又當「廿四孝老婆」陪老公遊哈利波特主題公園，揚言望再重遊舊地時，希望已是「三人行」。
Jade早前隨老公到英國旅遊五天，首次踏足「米字國」的她被當地景色及名牌迷倒，未知是否太陶醉，她竟然連面前的大玻璃門也看不見，結果撼頭埋門，令額頭又紅又腫起了「大瘤」，由於撞擊力太大，又暈又痛的她忍不住蹲下痛哭，嚇傻了老公。幸好經休息後，見沒再暈或作嘔才打消入院檢查念頭。
對此Jade說：「我朋友知道我呢件瘀事後，笑我中咗冇獎金嘅超級『頭獎』，另一位朋友仲笑我，我個樣冇撞爆，證明我個樣係真，絕對冇整容，否則咁撞法一定會毀容。」
想帶子女變身
Jade以前每逢到日本，老公必帶她到其至愛的My Melody主題公園瘋狂購物，故當她得知倫敦有哈利波特主題公園時，即嚷着陪老公去，問她是否不再愛My Melody？她說：「梗係唔係啦，我老公係超級哈利波特迷，為氹佢開心，就算我哋行程幾咁緊張，都一定要去，畀老公開心吓。」
Jade遊覽主題公園時，還變身「女版哈利波特」，披上斗篷扮騎掃帚拍照，又買了貓頭鷹模型紀念品回家，她說：「希望下次再嚟呢度時，我哋唔再係兩個人而係三個人，可以帶仔女嚟扮迷你版哈利波特。」
文：音樂組