王大業以為超雲嫁咗
賭王何鴻燊千金何超雲前男友、皮草太子爺王大業，前晚出席意大利鞋履品牌Fratelli Rossetti珍藏展時，被問到知否超雲結婚的傳聞？他反問記者說：「又結？唔係結咗咩？可能係我唔updated，我兩星期前先喺歐洲返嚟。（同超雲仲有冇聯絡？）自從嗰件事之後就冇。（邊件事？）你哋話係罵戰嗰單。（你哋唔再係朋友？）唔答，唔好再問呢啲假設性問題，上次就係咁中咗招。」
而另一嘉賓Janice Man就表示有send短訊給老闆黎明（Leon）以示支持，會尊重他與Gaile的決定。對於有傳Leon有新戀情，她說：「唔覺得佢有咩異樣。（有報道指Gaile爆粗話Leon又煩又悶？）自己跟唔上報道，Leon係非常之細心，好明白人，好似爸爸咁，唔會管束得好嚴，畀我哋好大自由空間。」