楊秀惠呻攰 撞車兩次
有九年駕駛經驗的楊秀惠，昨日在微博慘痛自爆一星期內同一位置撞車兩次！幸而無甚大礙，只是車身被刮花，秀惠堅稱非技術問題，只是近日因忙於拍劇而休息不足所致，故打算買補品進補！
最近忙拍無綫賀歲劇《初五啟市錄》及J2台《姊妹淘》主持的楊秀惠，每日開工踩足十多小時，近日這位鐵人終於體力不支，昨日她在微博自爆兩次撞車，並上載其愛驅車身被刮花，她說：「同個星期，同個位置，又再重複撞多一次，難道我這個星期不適合開車？」相當黑仔。
秀惠昨日在電話中表示先後在兩個停車場出入時撞車，但兩次巧合地撞同一位置，幸而只是刮花同一邊車身，人無大礙。她說：「係同啲柱發生少少碰撞，因為呢幾日開工好密，再加埋自己要處理私人嘢，唔夠時間休息，所以好攰。第一次就因為攰所以撞，前晚難得可以瞓足十幾個鐘，點知第二朝起床時又頭暈暈，開車時又再撞多次，仲係同一個位！」
急買補品進補
秀惠自嘲是「賤骨頭」，睡得夠也出事，問她會否上堂進修駕駛技術？她說：「我喺香港都揸咗七年，馬來西亞都揸咗兩年，只係唔夠精神；加上其實停車場個位都幾窄，等我買啲嘢進補吓，等精神好啲！」她表示未來數天不會駕駛，會選擇坐的士或坐朋友順風車。
文：專案組