楊崢指栢芝俘虜韓國粉絲
名模楊崢昨日接受電台電話訪問，身在韓國的她獲韓國文化部邀請到當地，故她趁機到釜山國際電影節參觀，她透露在《危險關係》的宣傳中見到張栢芝，透露栢芝很受韓國人歡迎：「栢芝心情好靚，好受當地人歡迎，佢做咗個心形手勢畀粉絲，仲好親民咁行去兩邊台畀粉絲影相。」
另外，她又表示在《盜賊門》的特別獻映後台遇見任達華和曾國祥，華哥更向她自爆在韓國靠「面子」搵食經歷：「佢（任達華）去酒店check in，但電影公司用咗佢韓國名登記，所以佢搵唔到自己個名，後來個服務員認得佢係任達華先畀佢check in，佢講笑咁話自己喺韓國都可以靠face搵食。」