蔡恩真粉紅底搶鏡
韓模蔡恩真（Enjel）、謝安琪、鍾舒漫（Sherman）、糖妹黃山怡和羅力威聯同多位藝人昨日出席美容品牌頒獎禮，當中袁彌明和已為人母的羅霖以性感tube-dress示人，羅霖更大晒「事業線」，雖然蔡恩真以背心短裙上陣似欠睇頭，但坐下來即「春光乍洩」露出Lace粉紅底，透現疑似「小恩真」，頓時搶了旁邊的松岡李那風頭。
未遇過狐狸眼
而身為人妻的謝安琪表示老公和化妝師都讚她嘴形不錯，與老公拍拖初期玩心理測驗時，他說首會看女仔的嘴部，而她則會先看男仔的眼神，她大讚老公張繼聰眼神善良。問到可見過狐狸眼（即小三眼神）？Kay笑言：「呢啲冇經驗，幸運未遇過，相信嗰啲眼神係好唔堅定。」
至於糖妹一直為無綫主持《勁歌金曲》，提到張智霖炮轟無綫PA編排工作差勁，糖妹謂：「我諗編得總有理由，多咗時間咪自己睇吓書填滿番時間佢，一係咪瞓吓覺，善用番啲時間囉。」而Sherman自爆不愛飲水惟有靠敷面膜補濕，羅力威自言沒有特別護膚心得。
文：音樂組