Ar Yu內地吸金 捽慶餓男
難得胸懷大志，與其收收埋埋，倒不如憑天賦對症下藥搵真銀！冬甩成員曾寶玲（Ar Yu）坐擁32D美乳，憑此打入內地夜店賺到盆滿缽滿，但因為過分性感，不只一次被餓男抽水。
冬甩成員各有各發展，隊長胡心諾（Rainbow）銳意轉型做設計，同倉的謝芷蕙（Cammi）除繼續學業外，就不斷請假返大陸登台賺人仔。然而，冬甩最好身材的Ar Yu沒有放軟手腳，勤力過人的她返內地打碟、登台次數比Cammi還要多。為甚麼？因為她需要錢。
雙手護胸
每提起內地工作，Ar Yu總是滔滔不絕，而早前東莞打碟之旅更令她記憶猶新：「上兩個月去東莞打碟，因為個客酬金唔錯，佢哋要求我上身着比堅尼都冇托手o架，但就因為太多人、保安又唔夠，當時有人衝上台都冇人理，知道有人向我抽水，惟有立即雙手護胸。」
夜場騷愛搞噱頭，Ar Yu當晚就玩答問題送寫真，由於反應太過熱烈，險釀成衝突事件，Ar Yu說：「當晚未打碟前就玩送寫真遊戲，當時有兩個內地朋友爭答問題大打出手，有位仁兄差啲想爆樽，好彩保安及時制止，真係唔想見到不快事發生。」
目標清晰
Ar Yu強調工作那麼搏命，全因為家境不太良好，希望盡早賺多些錢買大屋，讓家人有個安樂窩：「我仲有個目標係開間意大利餐廳，呢個係我小時候夢想，希望五年內可以實現！」
Profile
姓名：曾寶玲（Ar Yu）
身高：1.65米
體重：98磅
三圍：32D、24、32
文：專案組
攝：吳文聰