黃國桐律師對於龍心用兩部攝錄機在法庭上錄影，其中一部更影住法官，直指此舉可判藐視法庭罪及罰款，應經律政署和警方介入調查事件後，再作判決：「佢呢個行為嚴重藐視法庭，唔尊重法官，因為法庭範圍絕對唔可以影相同錄影，開庭時就算響手機都會被庭警沒收，到第二日先歸還事主，龍心咁做係一個好嚴重違規嘅行為，佢應該好好解釋背後動機，再由律政署同警方決定起唔起訴佢，初步佢已經係妨礙司法公正同藐視法庭，若然佢將相放上網罪行更嚴重，要睇吓個官點判。」至於龍心昨日上庭遲到一小時，黃國桐指法官判刑時或會作出加罰。