志偉做剛晶婚禮司儀

【楊晉安東莞直擊】霍震霆與朱玲玲的長子霍啟剛將於11月11日與郭晶晶結婚，昨日霍震霆與曾志偉出席東莞舉行的「2012高球界關愛行動」，提到婚宴的賓客名單，霍震霆表示：「本地、外國同體育界認識嘅朋友都會嚟。」不過，問他會送甚麼禮物給囝囝？他卻九唔搭八說：「希望大家支持。」再問會否催促二人生B？他笑謂：「乜嘢都有程序。（好心急？）未飲就諗呢啲嘢，下次先講啦！」至於曾志偉就自爆是啟剛婚宴的大會司儀，問他誰是拍檔？他直言：「唔知係咪吳綺莉呢！（啟剛親自搵你？）係，佢好早已經搵咗我。（諗咗送咩禮物未？）好難諗，佢乜都有，呢個係最大難題，要動下腦筋。（會唔會催佢生B？）佢哋梗係要啦！呢啲都唔係話我催。」談到黎明與樂基兒分手，志偉搞爛gag說：「今日睇新聞，見黎明落機落得幾開心。」