藝人陳茵媺昨日到電台接受薛家燕訪問，問她可有被家燕姐逼婚？她面帶笑容說：「冇冇冇。（畀人逼到慣？）冇冇冇，慢慢嚟。」她又解釋日前男友陳豪踢她「轎門」只宣傳劇集，搞搞氣氛，問到是否未認定陳豪？她即說：「唉呀，唔知點答。（佢求婚未？）遲啲，冇，慢慢嚟。」但她坦言與陳豪已見家長，又指家人對陳豪印象ＯＫ。隨後茵媺又大讚陳豪沖的咖啡特別好飲：「佢沖得好好飲，令我對咖啡嘅要求都高咗，佢好有研究！」對於《天梯》同劇演員陳山聰傳與賭王愛女何超雲結婚，她說如果是事實會恭喜對方。
