林峯：PA多新仔欠經驗
林峯昨日到電台受訪，提到張智霖近日於微博大鬧無綫PA，林峯說：「以我所知，公司好多新PA經驗不足，可能唔能夠盡善盡美。」他並言拍劇前會致電工作人員問可有變動：「知道有啲戲較麻煩會先溝通，但PA負責嘅嘢好多，亦有啲做幾個月吸取經驗之後就走，幾唔健康，PA入嚟工作做幾個月都要專心去做，要負責任對得住自己嘅工作，但都仲有啲好好嘅PA喺度。」
至於被指拍劇時掃到官恩娜胸部？他否認其事，並甚為勞氣道：「完全冇，係隔空囉唔該！」他又指拍攝時都發現有出錯的地方，問到為何不出聲？他說：「現場就要拍，講咗都冇用，改唔到。」