李璨琛「瀉樣」遭阿葛喪影
藝人李璨琛雖然走在潮流尖端，經常型絕全場，不過他自爆（火羅）事一籮籮！其中一件瘀事，是他肚屙正在廁所解決時，竟遭葛民輝（阿葛）整蠱，推開門影相。
李璨琛說當年在橫店拍攝劇集《齊天大聖孫悟空》，因腸胃不好，故不時遇到肚屙情況，有次上廁所時，竟被阿葛偷拍，他說：「當時我已經拎住包紙巾竄入廁所，但廁所道門係冇得鎖，而且空間好細，我要撐住幅牆 『辦公』！跟住我聽到腳步聲已深知不妙，阿葛竟然推開門，用相機影下我如廁個樣，搞到我好狼狽！之後仲將相片放喺佢本新書度，仲要翻印再翻印，都唔知幾鬼好賣！」