孫耀威消腫靚樣回歸
孫耀威（Eric）昨日與英皇藝人關智斌（Kenny）及詩雅為電台拍攝劇集，日前不幸患上口水腺發炎的Eric明顯消腫，並首度回應病情。問到是否因與女友陳美詩「咀嘴」導致病發？Eric笑說：「同Kiss冇關，依家仲要食10幾日藥。」
Kenny透露對上一次為電台拍劇集已是11年前，即被指不及當年靚仔，他反駁說：「黐線，我唔係追求外表，做男人唔可以得個殼。」而詩雅表示終於飛甩經常合作的陳偉霆（William），她說：「一直想同Kenny合作。（William有女友蔡卓妍飛起你？）係啦、係啦。」
