婷婷拒現場打氣驚失禮
演藝世家出身的謝婷婷表示很想跟影帝級的哥哥霆鋒合作拍戲，但覺得仍未是時候，笑言嫌棄自己的演技。對於哥哥獲提名今屆金馬影帝，她謂不會到頒獎禮現場打氣，因怕自己到時會太激動而失儀。
婷婷昨日與名模諸葛紫岐、姚書軼和Ana R.等靚女齊為「莎莎婦女銀袋日」行騷，內地女星劉詩詩則擔任形象大使。問到霆鋒獲提名今屆金馬影帝一事，婷婷竟反問記者說：「真係呀？（去台灣睇頒獎禮支持哥哥？）我可能拍緊戲。我大部分時候都係喺電視機前面支持佢，記得上次佢攞影帝時我未試過嗌得咁肉緊，我驚喺現場會失儀，如果係其他人贏我會叫佢坐低，推我哥哥上去。（想跟哥哥合作？）當然想，不過驚太早。（驚哥哥嫌棄你？）我驚我會嫌棄自己。」
諸葛背夫性感
對於黎明和樂基兒分手，婷婷覺得兩人一定有討論過而都同意這是最好的決定，她相信兩人都是很Reasonable的人，也很成熟很識諗，相信兩人已作了最好的選擇。
同場的諸葛紫岐性感低胸亮相，問到老公可會詐型？她說：「所以唔好畀佢見到，如果詐型都冇辦法，都已經係咁喇，惟有話Next time。（老公畀唔畀你性感？）佢會叫我收到就收埋，我覺得都係工作，最緊要靚，如果佢嬲就請佢食蛋撻。」
劉詩詩撐奇隆
另外，內地女星劉詩詩坦言有跟合作過的鄭嘉穎和吳奇隆聯絡，有報道指吳奇隆近期氣燄很大，她則認為對方是一個老頑童，沒有架子和特別隨性。被指貌似陳法拉的她笑言兩人若見面要拍姊妹照。
文：名人組