余文樂（樂仔）早前被性感女星王璐瑤爆桃色緋聞，日前夜蒲中環為免再惹是非，寧願全男班上陣，蒲足成晚未見有女埋身，及至凌晨2點多，樂仔一行人轉場去另一間夜店，入場後未夠半小時便再度無癮離開，全晚dry到爆，未幾更轉去茶餐廳食消夜，邊食邊傾食到約凌晨3時半便齊齊步出離開，此時終於有長髮女fans認出余文樂，主動上前要求合照，影完相後樂仔與友人做安全乘客齊齊乘的士回家。
