謝安琪厚酬加盟 法拉冇影
謝安琪（Kay）如本報日前率先披露，昨日正式拍板宣布以「優厚價」加盟星煥國際，但謙虛否認踢走陳法拉做「一姐」，她在慶祝之餘更不忘帶頭默哀悼念海難亡魂。
謝安琪在年中被傳與前唱片公司環球不咬弦解約，經過一輪爭奪戰後，昨日終塵埃落定，如本報先前所料，在「星煥國際強勢邁進三周年」記者會上，由唱片公司老闆何哲圖（Herman）宣布Kay正式成為旗下一分子。
同公司的一眾歌手均有到場賀Kay加盟，包括組合Super Girls騷腿跳舞贈興，鍾嘉欣更以tube dress上陣搶「峰」頭，同場還有許廷鏗、胡鴻鈞及江若琳，而被傳失落「一姐」寶座的法拉則未有現身。
帶頭默哀
Kay在台上率領高層及來賓，為南丫島沉船海難中的死難者祈禱及默哀十秒：「默哀悼念係我嘅主意，希望大家都關心本土發生嘅事！」問她加盟酬勞是被傳的500萬簽2年？她沒有否認：「總之冇減價，酬勞優厚，其他內容細節唔方面透露。」對於被指成功取代法拉榮升「一姐」？她賣口乖說：「唔好咁講，大家都係一家人！」她透露最快明年才出碟，問年底爭獎輸蝕？她說：「唔係以爭獎為目標，作品有水準先係最緊要！」
欣宜羨慕
而同場的鄭欣宜表示Kay加盟後令公司「升呢」：「佢真係好正，事業家庭都咁成功！我都要努力減肥！」小師妹吳若希亦黐實Herman，更出口術表示：「希望老闆多啲安排我上無綫拍劇同玩遊戲。」
文：音樂組