胡楓感觸：大個仔識處理

胡楓：「真o架？好可惜、好難過，郎才女貌應該一對。四月時見過黎明，佢冇提過自己嘅婚姻生活，我同樂基兒比較『生保』，只係結婚時黎明帶佢出嚟介紹過，當時覺得黎明充滿喜悅。（樂基兒太活躍？）唔知，家家有本難唸的經。（黎明唔易相處？）好難講，每人有不同見解。（問候？）唔需要！都唔知講乜好，佢大個仔會識處理。」

雷頌德：「係好可惜，唔好講話結咗婚，就算一對男女朋友分手都係可惜，不過，大家都係成年人，佢哋決定得都係啱嘅。（影響錄音？）男人做嘢點會有影響，反而更會努力工作。」

陳小春：「唉……不便發言！（有見過黎、樂二人？）之前初入公司，有一齊食過飯，其餘不便回應。」

衞蘭：「唔知喎，好突然，我喺錄音室開緊工，會打返公司了解下先。」

杜汶澤：「作為朋友當然會關心佢，但我亦認為佢可以應付裕如，冇事係可以打敗黎明嘅！」