李亞男孖祖藍一齊做facial
藝人李亞男、模特兒何紫綸（Ann）、羅樂林女兒羅苡之（Tisha）等前晚出席IPSA活動，李亞男冧爆表示男友王祖藍有讚她皮膚好，她說：「我會榨果汁畀佢飲，仲會兩個人一齊做facial，當係拍拖樂趣。（幫佢敷mask？）咁又冇。」她透露現正忙於拍攝劇集《仁心解碼2》，並於劇中暗戀蔣志光，故有不少對手戲。提到中秋節，她稱要看男友檔期，希望可以跟男友及家人吃飯團圓。
同場，Ann被問到前男友張豪龍結婚，會否感到傷心？她說：「恭喜晒，我冇去飲。（唔想去飲？）人哋屋企party。（有冇請你？）我有送上祝福。（你想唔想快啲結婚？）係，要加速，因為想生小朋友，可能會閃電結婚。」而結婚在即的Tisha，則透露籌備婚禮忙得不可開交，期待婚禮後到蘇梅度假。
