伍靜麗高瘦平 拒走JC露
Jessica C.師妹伍靜麗（Angie）雖然密密接job，但她未有自滿，反而繼續努力，希望成就與師姐睇齊。靠高挑身材搵食的她自嘲是冇料之人，故不會走JC谷胸行性感的路。
「警鐘胸」JC師妹、來自馬來西亞的模特兒伍靜麗，今年經常與師姐出席活動。雖然她未有師姐的豐滿身材，但憑cool爆面孔深得客戶歡心，人氣急升。若細心留意時裝騷、廣告及活動，都會發現這位「冬茹頭」少女的蹤影，近日她更成為時裝品牌代言人。對於工作量大增，Angie說︰「我冇計過有幾多嘢做，只要平時有嘢畀我做，就算唔係好多，我已經好滿足，依家唔算高峰，我想再做好啲，繼續向上。」
長髮為job剪
Angie於模界打滾近七年，最令人印象深刻，除近六呎的高挑身形外，就是其冬茹頭的髮型。但原來她以前擁有一把長髮，Angie說︰「之前我係長頭髮，後來有一個工作要漂白個頭，但發覺漂完後啲頭髮好傷，所以就剪短，轉咗新髮型又覺得唔錯，所以就keep到依家。」
性感發自內在
對於師姐JC紅遍香港，Angie視對方為目標，但抗拒與師姐比較。她說︰「我唔會同佢比，大家係唔同type嘅model。佢好好人，跟佢出去做嘢真係學到好多嘢。」她自嘲身材平平，難學師姐性感︰「我冇料性感，但性感唔係睇身材，性感係內裏嘅，我自己有時都會着性感衫。」
文︰專案組
攝︰吳文聰
場地︰Zummer