羅敏莊踩高踭升Cup發豹
懷胎八個月的羅敏莊（Mimi），挺着巨肚及胸前升了兩個Cup而引以為傲，日前與老公陳國邦齊齊拍大肚寫真，當中一套她最愛的豹紋三點式配三吋高跟鞋，盡顯Mimi野性、愛冒險本性，幸老公貼身保護未見驚險「拗柴」。
羅敏莊（Mimi）與陳國邦的「小龍女」將於十月出世，兩口子為了紀念懷孕期幸福時刻，日前特別拍了一輯大肚寫真作收藏之用。已懷胎八個月的Mimi在寫真中更以多套比堅尼泳衣，挺着巨肚，腳踩三吋高跟鞋上陣。
捱餓拍10小時
在寫真中Mimi由未生前的A Cup升至C Cup，相當養眼，就連陳國邦都驚嘆：「嘩！老婆，你好大（胸）喎！」Mimi今次性感上陣可算是從影以來最激一次，但為了巨肚加巨胸，她坦言不介意作出犧牲：「升咗兩個Cup，我梗係唔介意性感啦！加上大肚兼重了三十磅關係，我第一次影相唔使縮肚、唔使擔心肥肉，好正！」
負責操刀之As BRIDE攝影總監秦瑋（Arden）大讚Mimi夠專業，完全表現到既活潑又幸福的感覺，拍了十小時安全完工，未露疲態，只是大呻肚餓，Mimi笑說：「大肚婆係咁，我依家小食多餐，因個肚會頂住！（三吋高跟鞋危險？）貪靚啫！過程冇驚險嘢發生，只係影完好攰！（十月生會開刀？）我怕陣痛太耐，打算開刀。」
留作新碟封套
由於相片效果滿意，Mimi將會揀選這輯寫真作封套，又謂最近已錄了大部分歌曲：「唱片預算係年尾出，配合到會用呢輯相！」
文：影視組