古巨基拒叫助手做「得力BB」
古巨基昨日舉行新碟《告別我的戀人們》發布會，大會請來四位小朋友扮演基仔的「小前度」上台獻吻，他亦直認曾以BB稱呼舊愛，問到會否叫得力助手（緋聞女友Lorraine）做「得力BB」？他尷尬說：「個名好有創意，但都係叫番佢做得力助手！」
他亦透露將會邀請舊愛睇騷：「我同前度都有保持聯絡，仲識埋佢哋老公！（Lorraine眼火爆？）唔會，大家都識得對方！」而唱片公司高層吳雨大哥更向基仔送上名酒兼催婚，令他尷尬不已說：「大哥真係整鬼我，我成家立室都唔會開發布會！」他又表示不會在舞台上公布婚訊。