陳嘉桓唔夠cup數 嘆冇人追

陳嘉桓（Rose）昨日出席三皇集團於銅鑼灣舉行的「當糖輕．當堂瘦」代言人活動，身穿黑色綴喱士花連身裙的她隱約中半透出優美身段，性感可人，吸引不少途人注目圍觀，及後更即場與現場人士大玩遊戲送出瘦身產品。

拒送林峯手信

Rose接受訪問時表示早前舉家到泰國遊玩三日，樂而忘返，她說：「好耐冇放過假，我哋係咁行街食嘢，行到攰就去泰式按摩，放假真係好relax，又唔使化勁妝，不過天氣就麻麻，影響咗心情囉！」問她有否買手信給前緋聞男友林峯？她聽罷反應很大：「點解要買手信畀佢？（你朋友嘛？）佢咁多朋友，唔使送！（佢依家同吳千語傳緋聞，有冇覺得甩難？）每個人都有唔同對手同拍檔，曾合作過都會有唔同新聞，我同佢都過去咗（指同林峯緋聞）！」她又九唔搭八地續說：「每一年都有新人出嚟……我諗定想去下一個旅行。」

王賢誌擔任大會司儀，與Rose於現場大玩遊戲。

陳嘉桓與林峯合作ＭＶ而傳緋聞，而吳千語則成為新緋聞女角。（資料圖片）

冇仔陪去旅行

記者笑她下一次旅行應該與男友而不是家人同行時，她斬釘截鐵地說：「搵唔到！（冇人追？）冇，唔知呢？（唔知即係有？）冇呀，依家啲人鍾意一類型女人，係眼大同鼻高呀！（唔係你唔夠胸大咩？）都係囉！」她稱感情慢慢來，不能急。

文：名人組