文頌嫻不忿女兒似老竇

文頌嫻日前剖腹產女，昨日她接受電台訪問時竟呻生女唔抵：「見到BB第一眼好感動，生命真係好奇妙，不過個女似老竇，好唔抵！」文女透露為了能目睹BB出世，不顧醫生建議，冒着危險放棄全身麻醉來生B，她說：「生BB之前有少少咳，醫生話如果生緊咳就好危險，但我最後都揀咗半身麻醉，因為可以第一眼見到BB，最離奇係我竟然冇咳過，可能有老公一直陪住，不過佢只係識影相同傻笑，嚟緊目標係添多個男丁。」初為人母的文女不時流露喜悅之情，在微博上發布多張BB相，並向大家宣布BB女改名為Jamie。