Monna抽骨髓「吊」足7日

陳靜師妹「混血E神」o靚模林宜芝，早前於微博自爆曾被怪病纏身，患上「吉巴氏綜合症」，影響身體神經令四肢麻痹，兼可能有生命危險。雖然早前她已痊愈，但近日她因雙手無力擔心舊病復發，故需入院抽骨髓檢查兼吊一星期「丙種蛋白球」。

日前戴上眼鏡的她現身養和醫院，準備入院作詳細檢查及治療，見她先到登記處辦理入院手續後急急上房，Monna先是抽血作普通身體檢查，後來開始吊「丙種蛋白球」治療，期間她更要抽骨髓化驗，看她抽骨髓時面露難色，似是非常痛楚。

成身針孔

事後Monna直言抽骨髓時痛到差點想哭，痛楚持續多個小時致不能入睡，她說︰「抽完骨髓個傷口真係好痛，之前食咗止痛藥都係咁，痛到成身冇晒力。」她更指因要打點滴，身上出現多個針孔︰「隻手有好多個針孔，之前有傳好多o靚模吸毒減肥，但我呢啲針孔就唔係，係入醫院打點滴造成，不過都好痛！」

Monna經常以性感姿態現身。（資料圖片）

Monna日前入養和醫院，作詳細檢查及治療。

花過十萬

Monna坦言今次入院花費約6位數字，更要住足一個星期醫院，現正等報告，她說︰「依家等緊個報告，就算出院都會繼續休息，已經向公司拎咗長假，日本宣傳寫真嘅工作都要延遲，希望自己可以快啲好番！」

文︰專案組