與讀者互動1小時 楊受成座談會有問必答

英皇集團主席楊受成博士早前推出自傳《爭氣》，提及家庭、奮鬥史、情史及娛樂圈秘聞，再版數次亦大受歡迎。楊生應一眾讀者要求，將於下月4日假會展舉行分享會，與讀者作近距離交流。
楊受成鼓勵大家遇困難時不要放棄，積極面對人生。
楊受成鼓勵大家遇困難時不要放棄，積極面對人生。

楊生表示預備了1小時回答讀者提問，除與讀者互動及簽名外，屆時不設底線，歡迎向他發問各式各樣問題，承諾會一一回答支持者。他說：「本書想帶出一點，就係叫人遇到困難時唔好放棄，要有永不言敗精神。」雖然作品銷量佳，但楊生未有想過趁勢再出新書：「因為呢本都籌備咗咁多年，單係訪問就做咗年幾，係一個好長時間嘅工作。（叫旗下藝人撐場？）哈哈！冇呀！佢哋嚟咪搶晒我風頭？」

楊受成一手捧紅霆鋒及祖兒，成為佳話。
  • 楊受成一手捧紅霆鋒及祖兒，成為佳話。