祖兒祝鞭鞭有力 基仔受得起
古巨基前日40歲生日於工作中度過，一班英皇歌手送上蛋糕為壽星仔慶祝，「大師姐」容祖兒大講有味笑話，祝基仔鞭鞭有力，基仔則信心十足自稱「很有力」回敬，更自爆緋聞女友Lorraine有參與他與家人的慶祝活動，認真甜蜜。
《2012勁歌金曲優秀選第二回》前晚於電視城舉行，除英皇歌手容祖兒、古巨基、林峯、蔡卓妍、林欣彤等撐場外，江若琳、Gin Lee等得獎歌手亦有現身。踏入40歲的基仔犧牲慶生活動，親身到場領獎，獲同門歌手送上蛋糕，貪玩的祖兒更將蛋糕忌廉塗在壽星仔臉上，令基仔面上出現「大粒癦」。
認與「女友」過生日
祖兒笑言祝基仔鞭鞭有力：「佢都好滿意，照單全收。」基仔聞言即謂：「我已經好有力！（祖兒關心你私生活！）我一樣關注佢私生活，不過唔好講佢啦！（講你同Lorraine。）我未諗人生大事，20歲人諗工作先。」問如何與「女友」慶祝？基仔初時迴避問題，但最後經不起傳媒逼供才說：「一係叫佢出嚟畀大家影張相，不過我叫唔到。呢排切咗好幾個蛋糕，咁佢都在場。（屋企人嗰次Lorraine有冇參與？）有。」
表演嘉賓葉蒨文透露已有8年沒上《勁歌》。提到四大唱片問題令老公林子祥及兒子未能亮相無綫，葉蒨文愕然說：「我唔知咩事，以為解決咗。」羽毛球技了得的她稍後聯同奧運羽毛球金牌好手於活動合作表演，據知此人正是林丹。不過葉蒨文昨日受訪時表示不知情，笑指雙方曾打過兩次波。
指劉翔心情轉好
此外，基仔昨日出席活動時透露，稍後會參與奧運金牌選手大匯演，更指好友劉翔近日心情轉好。談到另一好友傅明憲被拍得當着男友面前攬仔，基仔接受電話訪問時稱：「呢個男仔係佢兩個好朋友，傅明憲性格男仔頭，但佢同男友感情好到不得了。」
文：影視組