Q & A 足本睇

1.邊個最大機會輸？

林泳淘：陳潔玲，因為我同佢最friend，佢唔會介意。

岑杏賢	張鈞美	李渼琦

張名雅：陳潔玲，之前出trip同佢同房，我哋最熟，我諗我咁講佢唔會嬲我；同埋參選以嚟佢都好多報道，好多人識佢，就算贏唔到，佢都好適合喺娛樂圈發展。

朱千雪

林泳淘

2.有咩係參選前可以做，參選後唔可以做？

陳潔玲：我諗係儀態同打扮啦，唔可以唔化妝出街，因為狗仔隊係防不勝防。

朱千雪：食自助餐，因為要keep fit唔可以任食。

3.有冇男朋友？

陳潔玲：冇呀！

張名雅：冇呀！

張鈞美：冇呀！

朱千雪：冇呀！

林泳淘：我都冇呀！好可惜

4.參選以來最難受嘅事？

陳潔玲：有啲報道講埋我屋企人，參選係我一個人嘅事，唔希望涉及屋企人。

5.憑咩覺得自己可以代表香港？

李渼琦：我係香港出世，三歲去咗澳洲，我好鍾意香港，希望代表我嘅better half。

6.覺得邊個最港女？

曾明俐：湯洛雯，因為佢喺香港長大，佢嘅style好香港。

7.用平常心定爭勝心參選？

岑杏賢：兩樣都有，不過依家會用平常心多啲。

8.覺得歷屆港姐邊個最唔值得拎冠軍？

湯洛雯：我覺得係郭羨妮，因為佢好靚、好有明星風範，佢應該做電影明星。

9.參選有冇壓力？點樣減壓？

岑杏賢：我平時都好鍾意幫人，有佳麗唔開心我都會開解佢哋，見佢哋開心我都會好開心。

10.有冇聽過有佳麗嘅親戚有娛樂圈背景？

黃心穎：唔係好多人都知o架咩？（望住湯洛雯）咪企咗喺度囉！

湯洛雯：參選以嚟我都答過好多次呢條問題，我係有屋企人做娛樂圈，不過我都係一個好普通嘅女仔，做好多嘢都係要好努力。

李渼琦：唔知咩叫「背景」。