阿佘鬧爆盈盈文女勁嬲
湯盈盈一班好姊妹如佘詩曼、文頌嫻（文女）、姚樂怡，對這個突如其來的喜訊大表愕然，阿佘說：「講都冇人信，我哋成班姊妹喺微信有個chat room，不停叫盈盈現身，但佢一直冇回應，我哋鬧到七彩，仲叫佢做定心理準備，結婚一定畀我哋玩謝。（傳盈盈有咗？）呢樣真係唔知，留番當事人講，不過都祝佢哋有情人終成眷屬。（幾時到你？）我呢啲壓軸出場，大家祝福我啦。」
文頌嫻則說開心事當然要祝福：「成班姊妹終於等到嘉樂承認，最好快啲搞大佢個肚。（傳有咗？）頭先都問緊盈盈，叫佢交代，佢話趕住入廠，冇答到。我覺得成班姊妹都係由記者轉述先知，唔係佢親口講，有啲嬲囉！不過都係開心事。」無綫製作資源總監樂易玲則說等此好消息已久，恭喜。