錢嘉樂年底娶盈盈 雙喜臨門

錢嘉樂與湯盈盈地下情五年，今年4月才肯公開戀情，此後經常出雙入對，恩愛非常，早前還被拍到雙雙到新加坡預支蜜月，不過嘉樂仔卻推說計劃兩年內才迎娶盈盈，沒想到昨日卻突傳喜訊，據知如此趕急，全因盈盈已懷孕，今次絕對是雙喜臨門。

伊健爭做證婚人

正為鄭伊健個唱進行綵排的嘉樂仔，昨日風騷地唱着：「拍拖無罪，結婚無罪」，及後還親口宣布年底與盈盈結婚，不過卻迴避女友是否懷孕，只拋下一句：「總之適當嘅時候我會公布啦。（註冊未？）我哋密鑼緊鼓搞緊啦。」

嘉樂透露早前於蘇梅島求婚時，盈盈感動到眼濕濕，不過卻沒有送鑽戒。在場好友聞得嘉樂終於做「老襯」，第一時間上前恭喜，林曉峰（Lo）與伊健還嚷着爭做證婚人，阿Lo更誇張得表示可為BB接生。

準新娘盈盈則忙於為新劇《老表，你好嘢！》開工，至晚上9時多才收工，離開時她春風滿面，記者恭喜她雙喜臨門，直認有咗的盈盈頻以「thank you」來回應，監製黃偉聲則透露盈盈已親向他公布喜訊，並承認是雙喜臨門，指該劇尚有半個月便煞科，盈盈毋須請假籌備婚事：「戲入面盈盈同郭晉安一對，安仔頭先仲講笑話，唔怪之得抱起佢咁重，不過我都好開心，呢次拍戲途中盈盈宣布喜訊，上次拍另一套劇，途中呂慧儀又公布喜訊，覺得自己好幸運。」

動作場口換替身

安仔也坦承獲悉拍檔雙喜臨門，他說：「兩、三星期前同佢拍一場又抱又掟戲份，當時唔知佢有咗，搞到盈盈話要減肥，不過之後仲有半個月戲，盈盈所有大動作嘅場口都要用替身。」

嘉樂母親對兒子宣布喜訊大感意外：「係咩，唔知喎。（你就嚟抱孫呀。）冇同我講，我要即刻打畀佢。」接着便匆匆掛線。而記者致電嘉樂舊愛李珊珊，卻一直未獲回覆。

文：影視組