Avis 肉搏Mia 補鑊氹娜姐

Avis與Mia拍攝新片《喜愛夜蒲2》有不少床戲，經常眉來眼去被指「有路」，令戀情疑幻疑真。日前兩人一齊接受訪問，Avis不怕Mia呷醋，當面大讚女友周秀娜。他說：「佢EQ高，係我訓練出嚟嘅，我最欣賞佢嘅『周秀娜精神』，工作上拚搏之餘，仲因為唔想身邊人擔心，所以再攰都死撐冇怨言。」他又稱與女友性格相似，故很少吵架，完全不顧Mia感受公然大晒恩愛。

不懂片場運作

雖然Avis拍《喜2》片時艷福無邊，但他坦言因不懂片場運作細節，拍一場打車廂玻璃戲，最終釀成「血案」。他笑謂：「本來隻手要化妝扮流血，點知真係傷咗，不過拍戲真係幾好玩嘅。」至於Mia不諱言明白有人不欣賞已為人母的自己走性感路線，不過鏡頭背後她是一名慈母，並透露正為子女的暑假生活而頭痛：「忙緊電影宣傳，惟有幫佢哋報讀音樂、跆拳道課程嚟打發時間，或者等我忙完呢一轉，會同佢哋去日本旅行啦。」

周秀娜工作拚搏毫無怨言，令Avis非常佩服。（資料圖片）

Mia坐在Avis大髀上大擺甫士，不擔心再傳緋聞。

Mia為子女而搏

Mia表示甘願露肉搵錢，最大的動力在於想幫小朋友改善生活。問可後悔太早當媽媽？她說：「絕對冇！啲朋友仲話我早啲生，早啲甩身添。如無意外嘅話，我冇諗過再生。」Mia又重提去年父親患癌辭世，令她飽受精神壓力，曾一度想退出娛圈：「總之屋企冇畀過壓力我，相反佢哋仲好支持。」

文：影視組