梁麗瑩援交累高海寧被姦
無綫女藝員梁麗瑩（Davily）最近客串新劇《法網狙擊》，飾演不良少女的她因貪錢做援交，卻連累好友高海寧慘遭強姦：「戲入面我好天真，以為錢好易賺就去陪人飲酒，之後想走但被阻止，我即刻Call朋友高海寧嚟救我，點知令佢畀人強姦！」
對於入行多年仍有機會演援交妹，童顏的Davily笑言對外表也有信心：「都係挑戰嚟o架！但既然監製搵得我，我就更加要做好佢！」她表示會穿露膊及小低胸裝上陣，問到可接受更性感？她說：「健康就OK，不過要Keep吓身形，我好多鬼祟肉o架！」Davily又勸勉時下少女應愛惜身體，不要貪圖買名牌而做援交。