張松枝做到冇癮 離開無綫

在無綫新劇《回到三國》中飾演趙子龍的綠葉演員張松枝，雖已轉投城電，但原來他在無綫默默耕耘了18年，演出過的經典劇集先後有《賭場風雲》及《義海豪情》等。早前無綫因城電挖角爆發逃亡潮，成為被挖一員的張松枝因而惹關注，網民盛讚其演技的同時，亦替他在無綫多年不受關注感「唔抵」。對於松枝，跟18年的「家」告別雖有不捨，但卻是頭也不回：「我愈做落去，愈覺得自己無乜價值。」但他自嘲沒有浪費光陰：「呢18年我學咗好多嘢，學咗個忍字！」

降呢做臨記

松枝指在無綫雖不乏演出機會，但來來去去演奸仔、前夫、前男友等，令他覺得公司沒有給予機會：「我試過成年都係做同一類角色，永遠一、兩集戲。」

更致命的是年前曾有助導致電他做臨記，令他心灰意冷：「場戲有一句對白嘅，係『快啲還錢畀我！』嗰刻我真係好灰，我過唔到自己嗰關推咗。」

那12年如一日的薪金數目亦是令松枝心淡的主因，他說：「我12年前有加過人工，之後基本每個月出糧嘅數目係無變嘅。佢哋只係加我騷錢，但就算加幾多騷錢，佢哋控制你工作量，都係無用。」

大讚新老闆

以超過一倍人工跳槽的松枝，大讚新老闆王維基親切又有誠意。提到離開無綫時有否遭到挽留？松枝說：「有高層親自見我嘅，但只係問：『有無諗清楚呀？嗰邊唔穩陣喎。』當時我心諗反正留喺度都無得博，情願出去博。」

文：影視組