黃百鳴為影壇發掘不少靚女新血，繼早前簽了氣質新人吳千語後，早前又秘密到北京揀蟀，在北京電影學院過百人中選了最新「鳴女郎」盛君。現年22歲、擁42吋長腿的盛君，外形清麗脫俗，兩個小酒窩相當可愛，笑起來必定迷倒宅男。據知，盛君憑不俗演技及歌喉脫穎而出，為了力捧對方，黃百鳴將揼本開拍一部為她度身訂造的新戲，又安排她於明年賀歲片中擔演一角。
所謂一山不能藏二虎，如今旗下多了一位女新人，問黃百鳴會否擔心吳千語呷醋？他笑言：「唔會，兩個唔同市場，吳千語主攻香港，盛君主攻內地。因為盛君唱歌都幾好，唔排除之後會出碟。」