馬國明係女都撩　楊怡寸得把口

馬國明於劇集《回到三國》的角色由現代走到古代，角色既突出又具挑戰性，與他飾演情侶的楊怡亦大讚角色好玩。雖然有指《回》劇安排在炮灰檔播映，但楊怡笑言：「有林峯就唔係炮灰啦！」

讚好老公人選

馬國明於劇中不學無術，但其無聊的「港男十八式」令人留下深刻印象，他坦言角色似時下年輕人。他謂：「所以我返到古代會學番一啲中國嘅傳統美德，其實套劇都有交代現代同古代嘅價值觀係好唔同。」

寸完馬國明，楊怡即補鑊指他是好老公人選。

楊怡不介意與緋聞男友羅仲謙情侶檔出騷，因為酬勞一定較高。

雖然楊怡與馬國明演情侶，但女方扁嘴投訴：「馬國明好衰，佢唔鍾意我！」將現代愛情觀帶入古代的馬國明笑言：「現代人係花心啲，個個女仔都會撩吓，不過個角色到最後都會發覺應該珍惜呢個女仔。」

回到現實，楊怡大爆馬國明講多過做：「佢講就天下無敵，做就絕對係無能為力！」雖然馬國明被指得把口，但楊怡亦非常識做為他補飛：「佢有陣時都好細心，對媽咪亦都好好，係老公人選。」

不介意情侶檔

外形相襯的二人經常演螢幕情侶，問到為何甚少以情侶檔出席活動搵真銀？楊怡笑言：「我想o架，不過度唔到期。」提到她與羅仲謙的緋聞鬧得熱烘烘，楊怡坦言不介意與對方一齊賺外快：「如果真係有人搵，我一定飯應添啦！我覺得總之有個男仔企喺我隔籬出活動，個價錢就會高啲。」