吳卓羲分手剖白：之前有拗撬
【藍裕彤廣州報道】內地女星張馨予前日親口證實與吳卓羲（Ron）分手，昨日飽受失戀之痛的Ron撐住出席內地頒獎禮，指男女之間有拗撬好正常，對於女方狠心分手，他無奈地說︰「佢開心就足夠！」
關係糾纏不清的「卓予戀」，前日由張馨予親證分手畫上句號，同時又傳出她搭上內地小生李晨，被拍得夜蒲兼返香閨！昨日Ron出席廣州一個頒獎禮故作輕鬆，他為健康品牌行健堂擔任頒獎嘉賓，頒發「享瘦新品大獎」予貢米。
佢開心就夠
對於有傳與張馨予已分手三個月，Ron說︰「分手呢樣嘢，都係尋晚記者問我先知，唔明點解佢同記者咁講我哋嘅關係，可能之前有啲拗撬，（佢唔滿意你唔公開女友身份？）不嬲我哋冇親口講，但好多人都知我哋嘅關係，（依家心情如何？）我希望佢好，佢開心就足夠。」至於有傳出現第三者，Ron說：「應該唔關第三者事，（你識唔識李晨？）唔識，只知佢哋兩個一齊拍戲！」問他可有聯絡馨予？他三度強調仍有。至於張馨予在微博說︰「眼睛看到的，不一定是真的。」而對於Ron的言論，其經理人表示不回應。
貢米讚靚仔
同場的貢米表示首次見到Ron，大讚對方靚仔。她近日主演的內地劇《仙女湖之墨仙》在四川播放收視奇高，令她人氣急升，她表示會繼續努力工作。
另吳鎮宇昨為新劇《衝上雲霄II》試造型。問鎮宇怎看吳卓羲與張馨予分手？他表示：「佢拍新劇就唔會有事o架喇，咁多空姐畀佢揀。」
而無綫製作資源總監樂易玲昨日亦有致電吳卓羲，但對方正在外地工作未能詳談，樂易玲說：「我會勸佢冷靜幾日諗清楚自己想點，或者事情有轉機呢。」