o靚模許穎（Phoebe）及黃榕因寫真集以全裸作賣點，被禁在書展內發售。Phoebe昨晚透過經理人解釋：「我要澄清，前日我去到書展先知道貿發局通知要抽起晒我啲寫真集，就唔係我所講嘅賣晒。（驚影響銷量？）其實便利店同書報攤都有得賣，所以都唔驚輸。」黃榕接受電話訪問時表示：「書商話我本寫真啲警告字眼得2.5cm咁大，唔夠顯眼，啲字眼一定要佔本書嘅三分一咁大先可以賣，依家全港都冇得賣。我已經交託朋友重印，希望趕得切星期日簽名會賣。」她又批評Phoebe寫真：「佢誇過我、揸晒胸仲不雅啦！」
此外，眾女寫真集充滿騎呢位，首先黃榕在森林的泳衣照中，雙腿全是蚊叮印，還有吃着滿布黑點的香蕉相。另邊廂，Phoebe胸部大特寫照片驚見皺紋；其中一張她穿寶藍色格仔內衣，竟與李蘊其中一套內衣一樣，認真瘀爆。