Renee唔願鬥少布
o靚模李蘊（Renee）與師妹陳小寶到書展宣傳暫別作寫真集，穿tube dress現身的Renee被指不性感，她笑言平時會收起性感，性感需待寫真發現。談到銷量，Renee直言不錯，也不想跟人比較：「呢兩年都OK，依家o靚模鍾意報大數，我覺得冇可能。（送本畀劉謙？）未啦，自己都未有，唔送啦，唔會特別寄畀佢。」
對手許穎（Phoebe）以全裸寫真應戰後慘被禁售，未有看過書的Renee反問說：「真係咁誇張？我本本都想睇，大家性感尺度唔同，我呢啲好小兒科！（你本告別作係咪最後一擊？）唔知，賣得好都會再出，但鬥少布就唔會啦。」Renee離場時受大批宅男包圍，粉絲更衝前要求合照，她亦識做大方合照。
