徐濠縈做晒好人畀個女恰
潮人徐濠縈（阿徐）前晚現身品牌攝影展，大爆囡囡愛上她的高跟鞋，不過囡囡只得7歲，暫不會讓她穿，亦覺得最近離婚的湯告魯斯過早讓六歲的女兒穿高跟鞋。至於有傳湯告魯斯夫婦在教女方面出現分歧才導致離婚，阿徐坦言不相信，認為做得夫妻就不會有這種分歧！
前晚阿徐與女星湯唯、名媛邱李茂琪、名模周汶錡、形象指導郭慶彬、中國藝術家周依、法國女星Cecile Cassel和意大利名模Elisa Sednaoui等齊現身時尚品牌Chanel《The Little Black Jacket》攝影展。阿徐透露老公陳奕迅（Eason）送了不少品牌的珠寶給她：「但老公講過啲珠寶要留番畀包包（囡囡）。（即係依家借住畀你戴？）哈哈，啲嘢係個女o架。」
禁7歲包包着高鞋
阿徐還踢爆包包很喜歡她的高跟鞋，不過她年紀小，暫不會讓她穿，她說：「佢得7歲咋，怕腳形有問題。（湯告魯斯都畀六歲嘅囡囡着高跟鞋喎？）係囉，我就覺得早得滯，外國可能冇所謂。（傳湯告魯斯離婚係因為夫婦教女出現分歧，你兩公婆有冇？）唔知信唔信呢個係佢哋離婚原因，做得夫婦冇理由有呢種分歧，唔係咁小事。（定係佢信科學教先搞成咁？）呢個教可能有啲古怪。」她又笑指在教女方面，她是好人，老公是壞人：「個女超級驚Eason，但擺明恰我！」
文：名人組