莊思敏擺陣求姻緣
莊思敏以超低胸裝出席餐廳開幕，露出人造「湯碗」，成為全場焦點，她笑說：「咁同真嘅比較梗係有啲分別啦，不過有好有唔好，我就唔怕地心吸力，依家個size係極限，買bra有時會買C，有時會買D。」對於舊愛吳浩康有新女友？她表示從報章上得知，現時在家也會擺桃花陣催旺自己的桃花。
同場還有周汶錡（Kathy）與妹妹周麗淇（Niki)，Kathy再次被追問男友何時求婚？她自嘲有婚姻恐懼症，並沒好氣地說：「未呀，（男友有婚姻恐懼症？）唔知，（之前話今年結婚？）我冇講，係雜誌講啫。」而Niki表示七月會簽新公司，主力在內地發展，因內地市場大。對於一套過三十集的戲會有七位數酬勞，她說：「希望賺多啲錢買多啲物業啦，之前賣咗層樓都賺咗四成！」