趙伯伯眼矇嘆難照顧病妻
數十年來一直靠做裝修餬口的趙伯，原來年輕時曾因意外致右手手指永久傷殘，全憑個人意志訓練左手工作養活妻子，「九七（年）之後經濟差咗，收入唔穩定又儲唔到錢，好彩總算有份工頂住！」趙伯數年前退休後，生活無以為繼，須與妻子靠領綜援金度日，相依為命的生活雖清貧但仍算幸福。惜好景不常，趙伯自兩年前起發現左眼視物經常「矇查查」，檢查後證實診為白內障，至去年十月，右眼又證實罹患黃斑點病變，「依家睇嘢好辛苦，一定要記住啲嘢平時擺喺邊先拎到！」
黃斑點病變醫費3.6萬
礙於未能籌措治療費用，趙伯雙眼的病情已拖延逾半年，惟令他最感擔心的卻不是自己，而是患病多年、行動不便的妻子，「我依家連老婆笑定喊都睇唔清楚，淨係矇矇矓矓見到佢嘅輪廓！」一直擔當照顧者角色的趙伯坦言，現時生活仍能依靠夫妻二人「夾手夾腳」打理，倘病情進一步惡化，恐難再照顧妻子，「對眼唔爭氣，搞到做少少嘢都唔得！」
香港眼科醫院發言人證實，病人於今年三月初確診右眼患黃斑點病變，建議注射自費藥物「樂明晴」，以減低病情惡化的機會，療程約需費三萬六千元。
捐款編號：12276