黃美棋求降Cup 隱瞞三圍
自小入行拍戲的黃美棋最近重返電視台拍劇，她直言因為豐滿上圍而被網友熱論被封為女神而感到尷尬，不願公開三圍數字的她，又自爆曾向母親要求想把胸整細點，非常搞笑！
若有看過周星馳的電影《行運一條龍》，可曾記得戲中一位買蛋撻的小女孩？相隔10多年，這位女孩已長得亭亭玉立，她就是黃美棋。回想童年時的娛樂圈生涯，她大叫精彩，並大爆有特別待遇，她說︰「以前拍戲會有好多人同我玩，而且好錫我，記得有一次去四川拍《風雲》，要行上一條好長樓梯去大佛拍，但我就唔使自己行，有工作人員抱我上去。」
同學央求帶入行
作為一位童星，美棋的經歷比同年小朋友多，被當時的書友封為偶像，她說︰「當時喺學校都幾受歡迎，同學仔會問我可唔可以帶佢哋去睇明星，仲問我可唔可以跟我一齊去拍戲。」雖然半隻腳早已踩入娛樂圈，但她因學業放棄了這個五光十色的行業，她說︰「嗰時諗住唔做，但喺美國都有keep住睇戲，成日問自己如果我做會點呢？久而久之就會諗，原來自己好鍾意拍戲。」所以她最近重返電視台並簽約王維基旗下，繼續演藝之路。
要數最多人談論她的，不得不提她豐滿的身材，早前被網友封為女神，提到自己的身材，美棋尷尬傻笑，不願公開三圍數字，但自爆曾跟母親說要「縮」胸，她說︰「之前網上有人談論我身材，媽咪都有安慰我，我之後同媽咪講『我唔想咁大（胸），可唔可以整細啲？』，媽咪聽到就問我係咪傻o架，好多人都想大啲o架！」
文︰專案組
服裝︰IPOSH
場地︰ANA Oyster & Grill
化妝及髮型︰Mani Chan@Beauty Tech