鄧穎芝祼出勇氣隻手遮胸
歌手鄧穎芝（Vangie）日前破天荒赤裸上身擔任攝影師好友攝影展Model，為力保「兩點」全程用手遮胸兼清場，Vangie笑言慶幸上圍不大一手遮晒，又自爆獲「巨聲幫」男友林師傑大讚身材fit爆！
Vangie出道至今獲攝影師好友Gary Leung義助拍MV及宣傳照，由於對方將於下周一假尖沙咀赫德道舉行個人相展，上月底親自致電Vangie邀請她做作品Model，義氣女的Vangie即一口答應，原本以性感裝束示人的Vangie去到拍攝現場發現一眾Model全是「赤條條」，由於自感太突兀，經過一星期考慮，決定豁出去半裸拍攝。
緊張保點被取笑
從黑白作品所見，超越性感尺度的Vangie全程以左手掩胸，並擺出正面、側面及翹腳等型格姿勢，Vangie說：「真係怕尷尬，全程隻手都冇放開，仲要求清場添！」她自爆因緊張「保點」遭攝影師取笑：「攝影師叫我放鬆啲，話我擺Pose好唔自然，好彩胸細一隻手遮得晒。（點解唔全裸？）冇呢個膽量！」
情人監場更尷尬
問到「巨聲幫」男友林師傑知否她如此豪放？Vangie大方說：「有同佢商量，佢睇到都話靚同fit。（點解唔叫佢監場？）唔好喇，咪仲尷尬。」她坦言怕男友跌電話，故沒有將相片傳給對方。對於男友早前上載出海「露毛相」到微博，Vangie說：「我有放大張相睇，係肚臍毛嚟！我嗰啲性感過佢啦！」
文：音樂組