蔚雨芯舞壇初哥日日狂扭
樂壇新人蔚雨芯（Rainky）最近為新歌經常練舞，屬於跳舞初哥的她雖接觸跳舞的時間不長，可是一試即愛上，全因跳舞好處多多，她說：「除咗可以瘦身，又可以令身形更靚，仲可以練埋表情，一舉幾得！而且透過運動嚟瘦身，會更健康。」
Rainky直言由於是新手關係，故每日都要勤加練習基本功：「有啲動作要筋骨好柔軟先做到，好彩我都算後生，所以好快上手，一啲基本嘅動作對我嚟講冇咩問題，練舞之後仲令我嘅筋骨比以前更柔軟！」
Rainky坦言如跳舞時遇到不明白的地方，都會請教師兄狄易達：「有時會約埋達仔一齊跳舞，因為睇佢跳舞都可以學到好多嘢。」她又叮囑大家跳舞時要注意安全：「大家做一啲高難度嘅動作時，記得要量力而為，唔好夾硬做，因為傷到筋骨可能會好嚴重！」
