許穎自拍寫真激過全裸
書展將至，亦是o靚模寫真戰的開始，o靚模許穎（Phoebe）預告今年寫真將全裸上陣，大膽程度更激過全裸，並會親自擔任攝影師！Phoebe昨日出席活動時以性感tube top上陣作前哨戰，輕易把前輩趙碩之「激」退！
昨日3香港推出全新圓石藍版SAMSUNG GALAXY S III智能手機，並在旺角舉行活動，特別邀得趙碩之、Phoebe及其師妹郭婉霞（Yuna）出席。Phoebe以低胸tube top及短裙現身，跟拋胸的Yuna齊賣性感，儘管趙碩之穿得較密實令風頭被蓋過，三女仍吸引近半百龍友爭相拍照，場面擠擁。
Phoebe自言愛追求新手機，每天也要帶兩個手機外出。月底將推出CD的她，7月也會趕在書展前推出寫真，她說：「今年個主題係全部畀大家睇，即係全裸唔着衫。（會唔會露三點？）賣個關子先啦，總之激過全裸，攝影師係我自己，因為冇人喺身邊就會更加放，意識形態都會好大膽。」Yuna則自爆今年也會推出寫真，賣點是她沒隆過胸、沒整過容和沒結過婚。
性感要睇場合
趙碩之被指不及兩女性感，她即笑說：「由得佢哋啦！（上咗岸？）可以咁講！（告別性感？）唔係，性感都要睇場合，去到人多嘅地方唔係咁突出！」她表示本想更換電話，剛巧大會就送她新手機。問到換手機是否想忘記舊情，刪除跟舊愛的合照？她說：「你講四年嗰個定係新嗰個？新嗰個唔係好多合照，反而四年嗰個就大家一齊成長，總之有發生過嘅嘢造就依家嘅我！」她透露正為舞台劇綵排，9月將作公演。
文：名人組