祥仔KK講波慘遭圍插

球賽講波「常客」陳百祥（阿叻）、阮兆祥（祥仔）、馬國明、張國強（KK）等前晚為無綫主持歐國盃揭幕戰，但遭網友狠批不夠專業：「好似茶餐廳啲阿叔咁唔專業，只係識吹水。」當中祥仔因為搞爛gag，以「雙手插落個火鍋度，不知淥（鹿）死誰手。」來形容球賽，亦被網友在討論區狂插，網友表示「自己搞gag自己笑」、「爛gag到爆」，不過亦有網友大讚「有喜感」，更封祥仔為「金句王」！

阿叻撩人窒

昨日記者致電祥仔，他得知被插後笑說：「個笑話係自己度嘅，平時都會度定多啲gag放喺褲袋，隨時拎出嚟娛樂大家！睇球賽已經好緊張，搞下gag紓緩氣氛，亦都冇咁悶，專業講波都係畀番專人講。」

無綫昨日凌晨播歐國盃揭幕戰，被插不專業。	放大圖片	張國強一句「呢條友好硬淨」被責粗鄙。

網友對專業主持亦不留情面，狠批鍾志光「機關槍一輪嘴、把聲又響又嘈，你一個講晒夠啦」又指嘉賓馬國明「波又唔識講、gag又搞唔到」，而KK年前主持世界盃曾因讚黃婉曼「好波」被插，昨日凌晨他以「呢『條』友好硬淨」來形容球員，又被網友狠批他粗俗。KK接受訪問時解釋：「我會記住網友嘅批評，其實現場嘅對白事前已經傾好，呢啲閒談對話只係真情流露。」

阿叻	阿叻隔空撩効力now的克勤窒佢。

對於與李克勤隔空講波，阿叻揚言不怕克勤：「最好佢窒到我，因為都已經好耐冇人窒我，每次我一開聲，啲人就啞晒，都唔知係咪我操守有問題。」他又表示會力捧荷蘭。

文：專案組