甄子丹最叻整龍蝦
「宇宙最強」甄子丹認真廿四孝好老公，昨日他突然現身老婆汪詩詩與家人出席的公開活動，太太和觀眾都非常驚喜。詩詩與妹妹圓圓、媽咪和兩位表妹湛琪清和Janice在活動上，表演汪媽媽家傳上海雲吞菜譜和包雲吞秘技。子丹即場試食她們的手勢後大讚，他說：「今次比以前整得更好味，可能係因為今次做善事啦！」
老婆詩詩謙稱廚藝麻麻，她笑說：「早前老公唔喺香港所以少煮，最近佢返咗嚟，我一陣要買餸煮飯，不過唔記得啲煲收埋喺邊！」她透露老公子丹最叻炮製龍蝦。自言廚藝不精的圓圓則透露曾試過男友蔡加讚的廚藝，她說：「佢煎過牛扒畀我食，好好味，佢好有天分。（你拿手煮乜？）即食麵，我有秘方！」