謝婷婷怕Lucas呷醋 禮物孖住送
早前謝霆鋒孻子Quintus生日，姑姐謝婷婷出席時裝活動時表示與父親謝賢跟姪兒一同慶祝，並打孖送了禮物給兩兄弟，慎防Lucas呷醋，她說：「我買咗書包，係孖住送，佢同哥哥一人一個，我通常買禮物都係買兩份。」婷婷又笑言不會一個人湊兩姪兒外出，但若男友安志杰在場就可以，因男友很健碩可充當保鏢。
此外，Lucas媽咪張栢芝接受有線娛樂新聞台訪問時透露，她曾經嘗試學填詞，歌名叫《曾經》，歌詞中有「也不怨你」一句，有人揣測「你」是指謝霆鋒，而她解釋「你」是指每個人的曾經，叫人不要對號入座。
而同場的李治廷早前被本報拍得與女友行街，問及新戀情時就害羞地說：「我哋係好好嘅朋友，大學時已認識，其實我朋友唔多。（一齊買碟睇？）係睇笑片，其實我好多朋友都好鍾意睇恐怖片同偵探片。」