吳雨霏影菠蘿包畀人鬧
「攝影達人」吳雨霏（Kary）近年以手機代相機，隨時隨地拍下珍貴時刻。Kary說：「手機一定帶喺身，真係好方便，加上手機攝影質素愈嚟愈高。」愛食的Kary坦言手機中最多食物相：「我係乜都影一餐，尤其係開飯時，所以同朋友食飯，係電話食先。」
有次Kary到廣州品嘗著名的菠蘿包，由於掛住影相搞到食物變凍，最後被工作人員責備，她說：「因為下載咗個影相程式，想利用呢個程式影唔同角度，咁我又真係影耐咗，原本熱辣辣嘅包搞到凍晒。（以後唔敢？）睇吓同咩人啦！」閒時Kary會帶愛犬Dash行山，Dash是其御用模特兒：「佢好睇心情架，心情好先肯望鏡，依家有個程式係影大頭，我都有幫佢影，仲擺上網同歌迷分享。」
